موضوع مزعلني ، وقابل للنقاش

شكرا على المواضيع الحلوه البتعمله دي

انا مابعرف انت شايف الموضوع من أي جهه مع انو انا في مدرسه فلسطينيه والمفروض انو اتكلم زي كلامم وانا بعرف اتكلم زيهم لكن تصدق انو انا معلما كل بنات المدرسه الكلام السوداني وكمان حافظين أغاني سودانيه ولي منو كمان لي طه سليمان والقال ليك منو انو مانتشره في العالم اسي زول دي مامشهوره عندي قلت ليك مدرستنا كلها لما تجي تتكلم معاي بيتكلموسوداني لكن لو على الاجانب انت بااالغته في الكلمة دي أسمح لي لو هو اصلا مابيعرفو يتكلمو عربي يتكلمو ليك سوداني لكن و الله العظيم لغتنا السودانيه في ابوظبي منتشره لكن في ناس بيجو من برا او من ابوظبي زي ماقلت بيغيرو لغتم يعني انا لحظته في اجازتي الفاتت انو في سودانيات بيتكلمو سعودي ويلبسو عبايات ضيقه ده كلو ليه عشان توري الناس انك جايه من برا

بت ابو ظبي
بحييك اولا
داير اقول ليك انو كلمه زول ، وزلمه , وغيرها من الكلمات البارزه
بقت مرطبته بي الدول زي الاعلام
لكن وين باقي الكلمات وداير اسئلك سؤال
هل الكلمات المعروفه للاجانب عن لهجتنا
بتساوي قلم في بحر من كميه الكلمات
النحنا عارفنها من اللهجات الاخري
دا مربط الفرس هنا
نحنا عارفين الف كلمه وهم عارفين قدر عدد الاصابع
كدا خلاص يعني يكفي لالالالالالالالا
ثم الف لالالالالالالالا
غرقوهم بالكلمات
لي درجه انو يجي يوم
الخليجي يقول ليك
شنو والله يا زول ماسامع بتطنطن بتقول في شنو
ها جانه ها انت اصنج ولا شنو
صيغه مبالغه طبعا